Join us
दर्यापूर: दर्यापूर तालुक्यात गोवंश हत्या तसेच अवैध वाहतूक रोखण्याबाबत तातडीने आणि कडक कारवाई करण्यात यावी, या आशयाचे निवेदन गटनेता प्रदीप मलिये आणि सकल हिंदू समाजाच्या कार्यकर्त्यांनी नुकतेच उपविभागीय पोलीस अधिकाऱ्यांना दिले आहे.
निवेदनातील प्रमुख मागण्या:
-
गोवंश हत्या थांबवा: दर्यापूर कार्यक्षेत्रात काही समाजकंटकांकडून छुप्या पद्धतीने तसेच कत्तलखान्यांमध्ये गोवंश जनावरांची कत्तल केली जात आहे, यावर तात्काळ आळा घालण्यात यावा.
-
अवैध मांस विक्रीवर बंदी: दर्यापूर, बनोसा, आणि बाभळी टाटानगर या भागात होणारी गोहत्या तसेच अवैध मांस विक्रीला पूर्णपणे पायबंद घालण्यात यावा.
-
विशेष तपासणी नाके: अवैध वाहतूक पूर्णपणे रोखण्यासाठी तालुक्यातील प्रमुख रस्त्यांवर पोलिसांचे विशेष तपासणी नाके उभारण्यात यावेत, अशी मागणी करण्यात आली आहे.
-
वरिष्ठ पातळीवर निवेदन: या गंभीर विषयाचे निवेदन केवळ स्थानिक पोलिसांनाच नाही, तर पोलीस अधीक्षक (SP) आणि पालकमंत्री यांनाही पाठविण्यात आले आहे.
निवेदनावेळी उपस्थित मान्यवर:
निवेदन देतेवेळी सकल हिंदू समाजाचे प्रमुख कार्यकर्ते संदीप राजगुरे, मुकेश काळे, राज वानखडे, जयराज बयस, हर्षल डाळके, अरुण टेटू, भाऊराव चव्हाण, आणि सागर बोंद्रे आदी मान्यवर उपस्थित होते.
