डेस्क | नागपूर

विदर्भातील कडक उन्हाळा आणि सातत्याने वाढणारा तापमानाचा पारा लक्षात घेता, शिक्षण विभागाने विद्यार्थ्यांच्या आरोग्यासाठी एक अत्यंत महत्त्वाचा आणि दिलासादायक निर्णय घेतला आहे. विदर्भातील सर्व प्राथमिक, माध्यमिक आणि उच्च माध्यमिक शाळा आता 15 जून ऐवजी 22 जून 2026 पासून सुरू होणार आहेत. यासंदर्भातील अधिकृत परिपत्रक शिक्षण संचालनालयाकडून जारी करण्यात आले आहे

दरवर्षी 15 जून रोजी संपूर्ण महाराष्ट्रात एकाच वेळी शाळा सुरू केल्या जातात. मात्र, यंदा विदर्भातील चंद्रपूर, नागपूर, अकोला यांसह अनेक जिल्ह्यांमध्ये तापमान 45 अंश सेल्सिअसच्या वर गेले आहे. कडक ऊन आणि उष्णतेच्या लाटेमुळे लहान मुलांना आरोग्याचा त्रास होऊ नये, म्हणून विदर्भातील शाळांचा उन्हाळा उन्हाळी सुटीचा कालावधी वाढवण्याची मागणी पालक आणि शिक्षक संघटनांकडून केली जात होती. याची गंभीर दखल घेत शिक्षण विभागाने हा विशेष बदल केला आहे.

नवीन वेळापत्रकानुसार, जरी शाळा 22 जूनला सुरू होणार असल्या तरी उन्हाचा तडाखा पूर्णपणे कमी झालेला नसेल. त्यामुळे विद्यार्थ्यांचे नुकसान टाळण्यासाठी आणि त्यांना उन्हापासून वाचवण्यासाठी खालील नियम लागू राहतील:

22 जून ते 30 जून: विदर्भातील सर्व शाळा फक्त सकाळच्या सत्रात (Morning Shift) भरवल्या जातील.

1 जुलै 2026 पासून: हवामान अंदाज आणि पावसाचे आगमन लक्षात घेऊन सर्व शाळा नेहमीप्रमाणे नियमित वेळेत (Regular Timing) पूर्णवेळ सुरू.

होतील.शिक्षण विभागाचे संचालक शरद गोसावी यांनी स्पष्ट केले आहे की, हा बदल फक्त आणि फक्त विदर्भ विभागासाठीच लागू राहील. मुंबई, पुणे, कोकण, पश्चिम महाराष्ट्र आणि मराठवाड्यातील सर्व शाळा पूर्वघोषित वेळापत्रकानुसार 15 जूनपासूनच सुरू होतील.

विदर्भातील शाळांना मिळालेल्या या 7 दिवसांच्या वाढीव सुटीमुळे पालक आणि विद्यार्थ्यांनी समाधान व्यक्त केले आहे.

विदर्भातील कडक उन्हाळा पाहता आता प्राथमिक ते उच्च माध्यमिक शाळा 15 जून ऐवजी 22 जून 2026 पासून सुरू होतील. तसेच 22 ते 30 जून दरम्यान शाळा फक्त सकाळच्या सत्रात भरतील. 1 जुलैपासून नियमित वेळ सुरू होईल. (उर्वरित महाराष्ट्रात शाळा 15 जूनलाच सुरू होणार आहेत).

ही महत्त्वाची माहिती सर्व पालकांपर्यंत नक्की पोहोचवा!